سيد جروحي
سيد جروحي شمس عمري وظلي
البعد طول والخطا منك واضح
اذاغرورك يمنعك تعتذرلي
تعال جنبي وابتسم لي واسامح
تدري احبك لكن الموت ذلي
ادوس انا قلبي اذا الشوق جامح
الله عطاك الحظ واصبحت خلي
والله عطاني اياك طاغي ملامح
سألتني يا ياسميني وفلي
ياكيف يشفى الورد والشوك جارح
مثل العيون اللي لها كل كلي
زايد حلاها لكن الدمع مالح
وش تنتظر يكفي دلال وتغلي
الوقت ماهو للوصل دوم سانح
مادمت ترحالك وما دمت حلي
إن صرت انا خسران ما صرت رابح
لا تعطي الفرصة لعذالنا اللي
لكل ماهو يهدم الحب طامح
مالك صبر عني وما تسلي
والوقت خيل صوب الآجال رامح
سيد جروحي شمس عمري وظلي
الحب بعد وقرب... مخطي وصافح
اذا غرورك يمنعك تعتذرلي
لاتعتذر لي قول اسمي واسامح
عبد الرحمن بن مساعد