الرئيسية
أحدث الصور
من طرف يامدلـع وش القصـه عسـى الله يديمـكفي شـروع الحبايـب يكرهـون الخفيّـه |
انت عارف وش اللي يستديـر بصميمـك؟او عمايل مدلّـع مـا يحسـب الخطيّـه؟ |
كان قصدك جهالـه فانـت قلبـك سليمـكوقلبـي اللـي تعـذّب بيـن حـرّه وكيـه |
وكان قصدك تغلّـي فـي حشايـه مقيمـكوكان قصدك سمحت.. اطلقت منّـك يديّـه |
البلا صرت معرف فيـك صـدّك وهيمـكصرت اصدّق واكـذّب بيـن ذيّـه وذّيـه |
انا خلّـك لطيـف الـروح والا غريمـك؟وضّـح المسألـه حـدّ السوالـف طريّـه |
مثل ماقيل رمح(ن) يزرقك بـه خصيمـكخير من رمح توعد فيـه صبـح وعشيّـه |
النوايـا (شظايـا) ميـر ربـك عليمـككـل شـي(ن) خفـيّ بعلـم رب البريّـه |
يامدلّع.. تـراك اتعبـت روح(ن) تهيمـكماحلا الوصل لامن جا بنفس(ن) رضّيـه |
كل يوم(ن) تعارضنـي مراويـح غيمـكواتعب الرجـل فالمخيـال روحـه وجيّـه |
وارجـي الله يعجّـل لـي بهتّـاف ديمـكوالا عشقك ؟ سكن فالروح غصب(ن) عليّه |
صار ماااعاااد يكفي الروح لفحة نسيمـكمير خلّـك بدنيـا الحـب جـزل العطيّـه |
من قصائد الشاعر محمد الشنيفي..أعجبتني فنقلتها لكم
